Тарыхта «Жахилия доору» деп аталган бир доор бар. Ал доордо Аравия жарым аралында адамдар буттарга сыйынып, ичкиликке жана кумар оюндарга берилип кеткен эле. Күчү барлардын сөзү өтүп, аялдар бир буюм катары алынып-сатылчу жана кыз балдар тирүү бойдон жерге көмүлчү. Бир гана Аравия жарым аралында эмес бүткүл дүйнө караңгылыкка көмүлгөн болчу. Азия, Африка жана Европада дагы абал мындан айырмасыз эле. Албетте, буларды жактырбаган, көңүлү ыраазы болбогон акл-и салим ээси адамдар аз да болсо бар болчу жана алар Аллаху таалага дуба кылып, ушул караңгы доордун бүтүшү үчүн жалбарышчу. Адамдарга мээримдүүлүк көрсөткөн Аллаху таала түрдүү кылымдарда жана түрдүү географиялык аймактарда жашап жаткан адамдарга көп пайгамбарларды жибергендиги сыяктуу, соңку наби жана расул болгон Хазрети Мухаммедди да ошол караңгылыкты нурдандыруу үчүн соңку пайгамбар катары милдеттендирди